Bellum Proximi Orientis
Die Mercurii (21.11.) vesperi Israeliani et ordo Palaestinensis Hamas post aggressiones mutuas octo dies continuatas de ignistitio consenserunt. De re nuntiavit Mohammed Kamel Amr, princeps minister Aegypti, qui munere conciliatoris pacis fungebatur.
Conflictus militaris, quo centum quadraginta septem Palaestinenses et quinque Israeliani vitam amiserunt, initium ceperat, cum Palaestinenses missilia e regione Gaza in Israelem emisissent. Quo facto impediri non potuit, quin Israeliani incursioni ictibus aeriis vehementissimis responderent.
- Alia: Novum regimen Sinarum … SAS e periculo servata … Cura dentium neglecta …De venatione luporum … Dies iurum liberorum
via: Nuntii Latini
rogueclassicism 